Ağdam rayonunda Vətən müharibəsi şəhidi Məmmədov Səxavət Adıgözəl oğlunun doğum günündə xatirəsi anılıb
24 may 2022 | 11:27
Ağdam Rayon İcra Hakimiyyəti başçısı Aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Samir Məmmədov, Yeni Azərbaycan Partiyası Ağdam rayon təşkilatının sədri Mansur Quliyev, şəhidin ailə üzvləri, şəhid ailələri, qazilər, rayon ictimaiyyətinin nümayəndələri şəhidin məzarını ziyarət edib, önünə gül dəstələri düzərək, ruhuna dualar oxuyublar.
Daha sonra məktəblilərin təqdimatında vətənpərvərlik mövzusunda şeirlər səsləndirilib.
Şəhidin ölümündən sonra Prezident İlham Əliyevin müvafiq Sərəncamına əsasən təltif edildiyi “Suqovuşanın azad olunmasına görə” medalı övladına təqdim olunub.
Şəhidin ailə üzvləri göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
Keçidlər
