Ağdam Rayon İcra Hakimiyyətinin başçısı Vaqif Həsənov Quzanlı qəsəbə qəbirstanlığında Birinci Qarabağ müharibəsi şəhidlərinin qəbirüstü abidələrini aparılmış abadlıq işlərindən sonra ziyarət edib
05 noyabr 2024 | 15:52
05 noyabr 2024-cü il tarixdə RİH başçısı Vaqif Həsənov Rayon İcra Hakimiyyətinin və “Müharibə, Əmək və Silahlı Qüvvələr Veteranları Təşkilatı” İctimai Birliyinin dəstəyi ilə Quzanlı qəsəbə qəbirstanlığında Birinci Qarabağ müharibəsi şəhidlərinin qəbirüstü abidələrini aparılmış abadlıq işlərindən sonra ziyarət edib. Tədbirdə aparatın əməkdaşları, Yeni Azərbaycan Partiyası Ağdam Rayon Təşkilatının sədri Mansur Quliyev, Azərbaycan Respublikası “Müharibə, Əmək və Silahlı Qüvvələr Veteranları Təşkilatı” İctimai Birliyinin Ağdam rayon təşkilatının sədri, polkovnik-leytenant Elşən Zeynalov, şəhid ailələri və qazilər, idarə, müəssisə və təşkilatların rəhbərləri və ictimaiyyət nümayəndələri iştirak etmişlər.
Tədbir iştirakçıları tərəfindən şəhidlərin məzarları ziyarət edilib, ruhlarına dualar oxunub. Çıxış edən Rayon İcra Hakimiyyətinin başçısı Vaqif Həsənov və digər natiqlər Birinci Qarabağ müharibəsi zamanı şəhidlərimizin qəhrəmancasına döyüşməsindən və bu müqəddəs yolda canlarını fəda etməsindən, Ali Baş Komandan İlham Əliyevin rəhbərliyi ilə 44 günlük Vətən müharibəsi zamanı ölkəmizin ərazi bütövlüyünün bərpa edilməsindən bəhs etmişlər.
Keçidlər
