Şriftin ölçüsü :

Saytın rəngi :

Ağdam rayon İcra Hakimiyyətinin başçısı Vaqif Həsənov idmançılarla görüşüb

18 dekabr 2024 | 14:45
14 dekabr 2024-cü il tarixdə Ağdam rayon İcra Hakimiyyətinin başçısı Vaqif Həsənov Gürcüstan Respublikasının Kutaisi şəhərində keçirilən Dünya Kubokunda iştirak edərək I yer qazanmış Ağdamlı idmançıları qəbul edib.
Qəbulda idmançılarla yanaşı 16 saylı Regional Xəzinədarlıq idarəsinin rəis müavini Şahin Abışov, Azərbaycan Respublikası Müharibə, Əmək və Silahlı Qüvvələri Veteranlar Təşkilatının Ağdam rayon şöbəsinin sədri Elşən Zeynalov, müharibə veteranları, Alpaqut (Turan Döyüş Sənəti) Federasiyasının Ağdam filialının rəhbəri, məşqçi Kənan Quliyev, yarışın qalibləri, Qənbər Ağayev, Rəşad Quluzadə və Fərid Sarıyev iştirak etmişlər. Görüşdə çıxış edən Rayon İcra Hakimiyyətinin başçısı Vaqif Həsənov ölkəmizdə idmanın inkişafına göstərilən dövlət qayğısından söhbət açmış, qalibləri təbrik edərək idman uğurları arzulamışdır.
Qeyd edək ki, cari ilin dekabr ayının 5-8-də Gürcüstan Respublikasında baş tutan yarışda Ağdam rayonunu təmsil edən komando üzvlərinin iştirakının təmin edilməsində Azərbaycan Respublikası Müharibə, Əmək və Silahlı Qüvvələri Veteranlar Təşkilatının Ağdam rayon şöbəsi yaxından dəstək göstərmişdir.
Tədbirin sonunda qaliblərə diplomlar təqdim edilmiş və xatirə şəkli çəkilmiş, idmançılar rayon rəhbərliyinə göstərdiyi diqqətə görə minnnətdarlıqlarını bildirmişlər.
Keçidlər