Ağdamlılar Novruzun gəlişini böyük ruh yüksəkliyi ilə qeyd ediblər

Xalqımızın qədim və ən sevimli bayramlarından olan Novruz cəbhə bölgəsində yerləşən Ağdam rayonunda böyük təntənə ilə qeyd olunub.
Rayonun bayramsayağı bəzədilmiş Quzanlı qəsəbəsində yerləşən Olimpiya Kompleksinin stadionunda gül-çiçək, bayram xonçaları və səmənilər düzülüb, məktəblilərin əl işləri, müxtəlif oyunlar, Novruz adətləri, milli xörəklər, şirniyyatlar, rayonun tarixini özündə əks etdirən eksponatları nümayiş etdirilib. Minlərlə Ağdamlının, həmçinin N saylı hərbi hissənin əsgərlərinin iştirak etdikləri və xüsusi proqram nümayiş etdirdikləri  bayram tədbirində tonqal yandırılıb, Dədə Qorqud və Bahar qızın, milli paltar geyinmiş atlıların meydana gəlişi, kəndirbazın, pəhlivanların, gənc idmançıların çıxışları maraqla qarşılanıb.
Bayram şənliyində çıxış edən rayon icra hakimiyyətinin başçısı Raqub Məmmədov Ağdamıları baharın gəlişi münasibətilə təbrik edib, onlara cansağlığı, xoşbəxtlik və əmin-amanlıq arzulayaraq bayramın rəmzi açlı.ını bildirən tonqalı alovlandırıb.
Daha sonra tədbir novruzun əsas personajları olan Kosa və Keçəlin məzhəkəli oyunları, rayonun “Şur” ansablının, məktəblilərin və bədii özfəaliyyət kollektivlərinin, N saylə hərbi hissənin əsgərlərinin təqdim etdikləri rəngarəng idman, ədəbi-bədii musiqili proqramlar tamaşaçılara xoş ovqat bəxş edib.