2022-ci ildə itkin düşmüş hərbi qulluqçu Məmmədov Fərid Əjdər oğlunun Ağdamda dəfn mərasimi baş tutub
08 avqust 2024 | 15:57
2022-cü ildə itkin düşmüş hərbi qulluqçu Məmmədov Fərid Əjdər oğlunun Ağdamda dəfn mərasimi baş tutub. İlk öncə Ağdam Dövlət Dram Teatrının qarşısında hərbi orkestrin müşayiəti ilə vida mərasimi keçirilib. Mərasimdə hərbi qulluqçunun ailə üzvləri, Ağdam Rayon İcra Hakimiyyətinin başçısı Vaqif Həsənov, aparatın əməkdaşları, hüquq mühafizə orqanlarının, idarə, müəssisə və təşkilatların rəhbərləri, ictimaiyyət nümayəndələri iştirak etmişlər.
Cənazə namazından sonra hərbi qulluqçu Quzanlı qəsəbəsindəki Şəhidlər xiyabanında dəfn edilib, ruhuna dualar oxunub, məzarı üstünə əklil və gül dəstələri düzülüb. Qeyd edək ki, Məmmədov Fərid Əjdər oğlu 23.05.2003-cü il tarixdə Ağdam rayonunun Orta Qərvənd kəndində anadan olub. 03.03.2022-ci il tarixdə hərbi xidmətdə olarkən Laçın rayonunun dağlıq ərazisində itkin düşmüşdür.
Keçidlər
