Ağdam Rayon İcra Hakimiyyətinin Başçısı Bakı şəhərində məskunlaşmış Ağdamdan olan məcburi köçkünlərlə görüşdü

2015-ci il avqustun  7-da Bakı şəhərində məskunlaşmış Ağdamdan olan məcburi köçkünlərlə  Ağdam Rayon İcra Hakimiyyəti başçısı Raqub  Məmmədovun növbəti səyyar görüşü keçirildi. Növbəti səyyar görüş Suraxanı rayonu İcra Hakimiyyətinin Akt zalında təşkil edilib. Görüşdə rayon rəhbəri ilə yanaşı, Rayon İcra Hakimiyyəti başçısının müavinləri, aparatın şöbə müdirləri, məsul işçiləri, hüquq mühafizə orqanlarının, dövlət idarə, müəssisə və təşkilatlarının, xidmət sahələrinin yerli rəhbərləri, məcburi köçkünlərin qeydiyyatında olduqları İnzibati Ərazi Dairəsi üzrə nümayəndələri və 200 nəfərə qədər məcburi köçkün  iştirak edirdi.
Qəbuldan öncə iştirakçılar Ulu Öndər Heydər Əliyevin İcra Hakimiyyətinin həyətindəki abidəsini ziyarət etmiş, önünə gül dəstələri qoyublar. Daha sonra görüşü Rayon İcra Hakimiyyətinin başçısı Raqub  Məmmədovun açaraq Azərbaycan Respublikasının Prezidenti cənab İlham Əliyevin rəhbərliyi altında ölkədə abadlıq və quruculuq sahəsində, həmçinin sosial-iqtisadi sahədə əldə edilmiş nailiyyətlər barədə ətraflı məlumat verdi.
Daha sonra rayon  sakinlərindən Mustafayev Qəhrəman, şəhid anası Eyvazova Şəfiqə, Musayev Emin, Qarabağ əlili Mirzəyev Rövşən  və başqaları çıxış edərək ölkəmizdə gedən abadlıq və quruculuq işlərinə görə ölkə rəhbərliyinə minnətdarlıqlarını bildirdilər və onları narahat edən bəzi nöqsan və çatışmazlıqların aradan qaldırılmasını xahiş etdilər. Bildirdilər onları narahat edən əsas problemlər 20 ildən artıq öz ata-baba yurdlarından ayrı düşərək ev-eşiklərini itirmələri olduğunu bildirdilər. Qeyd etdilər ki, onların çoxunun mənzil şəraiti çox pis vəziyyətdədir və onlarında evlə təmin olunmalarını isdəyirlər. Rayon İcra Hakimiyyətinin başçısı onlara bildirdi ki, Qaçqın və məcburi köçkünlərin evlə təmin olunması Dövlət Qaçqınkom tərəfindən həyata keçirilir və onlarda növbə ilə qısa zamanda evlə təmin olunacaqlar. Digər tələləblər isə işsizliklə bağlı oldu və onlara da bildirildi ki, imkan daxilində onların tələblərinin öz həllini tapması üçün müvafiq işlər aparılacaq.
Rayon İcra Hakimiyyəti başçısı Raqub  Məmmədov sakinlər tərəfindən qaldırılan digər məsələlərin həlli ilə əlaqədar aidiyyəti qurum rəhbərlərinə tapşırıqlar verdi.