Ağdamda Yeni Azərbaycan Partiyası Ağdam rayon təşkilatı tərəfindən irəli sürülmüş bələdiyyə üzvlüyünə namizədlərlə görüş keçirilib
03 dekabr 2014-cü il tarixdə Quzanlı qəsəbəsində Yeni Azərbaycan Partiyası Ağdam rayon təşkilatı tərəfindən irəli sürülmüş bələdiyyə üzvlüyünə namizədlərlə Milli Məclisin deputatları Bəxtiyar Sadıqov, Elman Məmmədov, Tahir Rzayev və YAP Mərkəzi Aparatının məsul işçisi Araz Xudadanov iştirakı ilə görüş keçirilmişdir. Görüşdə həmçinin Yeni Azərbaycan Partiyasının Seçki Qərərgahının Ağdam rayon şöbəsinin üzvləri iştirak etmişdir.
Tədbiri giriş sözü ilə Yeni Azərbaycan Partiyası Ağdam rayon təşkilatının və Seçki Qərərgahının Ağdam rayon şöbəsinin sədri İsgəndər Quliyev açdı. Bələdiyyə seçkilərinə hazırlıqla bağlı qonaqlara geniş məlumat verdi.
Daha sonra Milli Məclisin deputatları Bəxtiyar Sadıqov, Elman Məmmədov, Tahir Rzayev çıxış etdi.
Namizədlərlə ətraflı söbət apardılar. Onlara bələdiyyə seçkilərində Yeni Azərbaycan Partiyasının namizədlərinin yüksək fəallıq gösdərməli olduğunu bildirdilər. Qeyd etdilər ki, partiyamızın bütün namizədləri çalışmalıdır ki yerli özünüidarətmə orqanı olan bələdiyyələrə keçiriləcək seçkilərdə seçicilərin səsini qazanmaları üçün öz üzərlərində çox işləməli və xalqa xidmət etməyi vacib bilməlidirlər. Daha sonra namizədlər onları maraqlandıran məsələlərlə əlaqədar suallar verdilər, onların sualları ətraflı cavablandırıldı.
